在正正一年前我地一家就開始計劃呢個旅行. 由於我地一行5人要响農曆年呢個咁peak 的日子用Asia Miles 決換機票, 所以不得不早一年就要作準備.
我地呢d Marco Polo Green member 當然無可能換到直航去扎幌, 所以迫著要東京轉機. 仲要可憐的轉機場. 香港--> 成田 --> 羽田 --> 新千歲
(我妹妹後來先決定加入, 佢雖然要用真金白銀買機票, 但亂打亂撞買了香港--> 大阪 --> 新千歲 --> 名古屋--> 香港 來回都不用轉機場, 真好!!
C仔第二次坐Red Eye Flight 了. 上次是上年4月到大阪. 上次上機前去lounge 已非常眼訓. 今次鬼打咁精神. 果然大個仔了.
06:15 話咁快就到東京成田了. 順利搭上06:55的巴士到羽田
Check in 後先醫肚
有人仔穿著老土睡衣在機場行街街
搭了1.5小時內陸機終於到Sapporo 啦!! 阿妹從大阪來會合我地. 比我地早1小時到.
但仲未到目的地架. 我地book 咗13:30 巴士入二世古. 仲有大約1小時時間...新千歲機場出名多野買. 當然唔可以放過.
13:30 搭Chou Bus 向二世古進發!
路程要3.5小時. 沿途好大雪呀!
大約17:00 到達Hirafu Welcome Centre. 約咗Apartment 架車來接我地
有人仔不停伸脷食雪. 好肚餓咩?
在Hirafu 連續3晚住 Akazora. 是中學同學 Miss A 介紹的. 佢上年來 Hirafu 都係住呢間.
地點果然非常方便. 就在Hirafu Intersection 附近.
同學Miss J 強烈推介的 Niseko Ramen 同 Trip Advisor 在 Niseko 排第一的 Ezo Seafood 正正在我們 apartment 對面.
Niseko 出名的是用薯仔蓉做的拉麵. 係幾特別的...但味道認真麻麻, 越食越喊
C仔的炸雞反而幾OK
食飽飽 Grandma 同 C仔番 apartment 休息. 我同妹同老公仔又出去行滑雪用品公司同Seico Mart
最後我地開咗今朝在機埸買的白之戀人年輪旦糕. 好甜
明天一早C仔09:00 am 要去 Ski school. 今晚要早訓了.
Good Night!
No comments:
Post a Comment