Collective memory

中學畢業十多年了. 每年的十二月我都嚷著要回校參加一年一度的bazzar. 但到最後都總是因某些原因而沒有履行承諾.

母校將於2008年重建, 今天特別邀請old girls回校拍照. 我想, 今次一定要回來走走, 因錯過了, 重建後回來也面目全非.

十多年沒踏足過的assembly hall, 1U classroom, chemistry room, foyer, chapel, swimming pool, corner garden, middle garden都是昔日那模樣. 唯獨是我最喜歡流連的tuck shop 和九叔都不在了.
畢竟我在這裡渡過了11年快樂無憂的歲月, 今次久別從逢,真是特別感慨. 假如時光可以倒流, 你說多好呢!

more photos....

港版叙叙苑

每次到日本都要去叙叙苑食燒肉. 今日俾我响公司附近遇到一間水準差不多的燒肉店. 仲有全港獨有的壺瀆Karubi. 以後唔洗去日本都有好味和牛食喇!

Wii 的魔力

好耐無參加過一個真真正正的生日會. 今日係Queenie的甥生希希的一歲生日, 我地一班auntie uncle 山長水遠到黃金海岸參加佢的生日會. 雖然話係小朋友party, 但其實只得希希, 朗朗同Rafa三個小朋友

仲有Wii玩添! 同老公玩bowling罕有地贏咗, 都話我有運動細胞架啦

一定要影低呢個歷史性的一刻. 簡直贏得漂亮!!

為食行

呢兩個星期同老公交叉感染, 輪流病. 今日公司gathering去海洋公園我都無精力去.

到晚上休息充足後, 老公帶咗我去西貢食海鮮. 兩個悶足全日的餓鬼好似放監咁, 見到d魚蝦蟹都依嘩鬼叫, 眼闊肚窄地叫咗好多好多嘢食. 但我地居然又食得晒喎. 呵呵呵

食飽仲有下場呀, 就係去咗我地至愛的聰嫂食甜品

Happy Birthday to me

雖然過咗生日有一段時間, 但好同事們仍然無忘記同我慶祝,實在太感動喇.
經已有差不多7,8年無去Congress, 但水準仍然keep得好好. 最另人喜出望外的係甜品有滑滑豆腐花同豆腐雪糕呀. 我地不停地食完一round又一round, 仲係全餐廳最後一枱離開添

朗朗的第一個勝利手勢

馬交一天行

星期五放工後同表姐們搭22:00船到澳門 join 埋一班mothers & fathers. 今次住英皇娛樂.

星期六早上我地一行12人租咗架van仔到大三巴, 議事亭, 安徳魯葡撻, 官也街. 最後仲去六棉食lunch. 六棉的雞燉翅, 子薑魚雲, 鮑汁花膠鵝掌都好味呀!!

曼谷之旅 Jun 9-12

今次到Bangkok的主要目的是和Linda到 Bangkok Office 做 FCF Project.
偷得浮生半日閑, 和Sasa 到 Siam Paragon shopping 一天. 四日三夜做足三晚Thai Massage. 簡直係一個超hea的business trip....

Sasa, thanks for your precious birthday present!!

柬埔寨之旅

向世界出發 - 到柬埔寨的吳哥窟. 雖然話四日三夜, 但晚機去早機返, 加上每日有2個鍾的午睡時間, 令行程非常緊迫. 老公抱怨唔夠時間影靚相.
好熱好熱, 每日都break and burn, 但又唔見有瘦; 每日都搽SPF50+++, 但仍然晒到好似包公咁黑. 其實當時因為太熱,所以無心機欣賞四周風景. 反而返到香港後睇番d相先知原來真係好宏偉

more photos....